ودعتك الله لو على قلبـي اخطيـت
وحاربتني من دون ذنـب وخطيّـه
احسبك تذكرني إذا اصبحت وامسيت
واثرك على فرقـاي نفسـك هنيّـه
الله واكبـر كيـف عنّـي تخلّيـت
من بعد ما علقت روحـي البريّـه
وش غيّرك وش بدّلك ليه صدّيـت
وانت الذي بالقلب نبـض وهويّـه
من هو بقى لي بعدما عنّي اقفيـت
وقدمتنـي للحـزن اثمـن هـديّـه
كلـش تخيلتـه ولا يـوم ظنيـت
إنك لحـد غيـري ولانتـاب ليّـه
ويلك من الله كيف بالحب ضحّيـت
قلبك حجر مـا حـنّ يـومٍ عليّـه
اللي بنينا بْعمر فـي يـوم هدّيـت
واحلامنـا مـا عـاد منهـا بقيّـه
اتعـد غلطاتـي إذا يـوم زلـيـت
من دون مدري .. وين ذيك الحميّه
مافيه معصوم الخطا لـو تحريـت
ولا فيه كامـل غيـر رب البريّـه
ولو ما احبك ما نشدتك ولا اطريت
بعـدك وصـدك وانتخيتـك نخيّـه
ترجع لقلبٍ يـوم بالعقـل حبيـت
وتترك هل الأحقاد واهـل الوشيّـه
خايف عليك وخايفٍ منـك ياليـت
مايوم حبيتـك وصـرت الضحيّـه
لا نيب حي بعد هجـرك ولا ميـت
ولا ني مريض ينعـرف بالشكيّـه
لكنـي ادرى بحالتـي لا تـرديـت
ولا ينفـع الملتـاع طبـه وكيّـه
مالي سوى اللي كلمـا راح ناديـت
يا كـود يسمعنـي ويرجـع إليّـه
خااالص ودي
/
كذا من ربـي حبيتكـ ..
